ലളിതാംബിക അന്തര്‍ജ്ജനം
കേരളത്തിലെ പ്രശസ്തയായ കഥാകൃത്തും നോവലിസ്റ്റുമായ ലളിതാംബിക അന്തര്‍ജ്ജനം കൊല്ലം ജില്ലയിലെ കൊട്ടാരക്കരയിലെ കോട്ടവട്ടം എന്ന സ്ഥലത്ത് 1909 മാര്‍ച്ച് 30ന് ജനിച്ചു. പിതാവ് തെങ്ങുന്നത്തുമഠത്തില്‍ ദാമോദരന്‍പോറ്റി. മാതാവ് ഹരിപ്പാട് ചെങ്ങാരാപള്ളി നങ്ങയ്യ അന്തര്‍ജനം. മലയാളം, ഇംഗ്ലീഷ്, സംസ്‌കൃതം, ഹിന്ദി എന്നീ ഭാഷകളില്‍ പ്രാവീണ്യം ഉണ്ടായിരുന്നു. കവിതകളിലൂടെ സാഹിത്യലോകത്ത് പ്രവേശിച്ചു. 'അഗ്‌നിസാക്ഷി' എന്ന ഒറ്റ നോവല്‍ കൊണ്ട് മലയാള സാഹിത്യത്തിലെ ചിരപ്രതിക്ഷ്ഠയായി മാറി. അഗ്‌നിസാക്ഷി അതേ പേരില്‍ സിനിമ ആയിട്ടുണ്ട്. പാലാ രാമപുരത്ത് അമനകര ഇല്ലത്ത് നാരായണന്‍നമ്പൂതിരിയായിരുന്നു ഭര്‍ത്താവ്. മലയാളത്തിലെ പ്രമുഖകഥാകൃത്തുക്കളില്‍ ഒരാളായിരുന്ന എന്‍. മോഹനന്‍ ഇവരുടെ രണ്ടാമത്തെ പുത്രനായിരുന്നു. 1987 ഫെബ്രുവരി 6ന് കോട്ടയം ജില്ലയിലെ ഞാലിയാകുഴിയില്‍ അന്തരിച്ചു. കൃതികള്‍: വിശ്വരൂപം, ധീരേന്ദ്ര മജുംദാറിന്റെ അമ്മ, പവിത്ര മോതിരം, മാണിക്കന്‍, പുരസ്‌കാരങ്ങള്‍: കേരള സാഹിത്യ അക്കാദമി അവാര്‍ഡുകള്‍, വയലാര്‍ അവാര്‍ഡ്, ഓടക്കുഴല്‍ അവാര്‍ഡ് തുടങ്ങി നിരവധി പുരസ്‌കാരങ്ങള്‍.
No comments:
Post a Comment